22 yaşlı Özbəkistan sakini işləməyə getdiyi Rusiyada narkotiklə tutulub və 9 il müddətinə həbs cəzasına məhkum edildi.

Özbəkistanın Kattakurqan Rayon Cinayət Məhkəməsində muzdlu olmaqda ittiham olunan 22 yaşlı K.E.-yə qarşı işə baxılıb.

Qaziler.az bildirir ki, bu barədə UzNews.uz-un müxbiri məhkəmənin hökmünə istinadən məlumat verib.

Məhkəmənin məlumatına görə, K.E. 2021-ci ildə işləmək üçün Rusiyaya gedib və həmin ilin dekabr ayında orada narkotik kuryeri kimi həbs olunaraq doqquz il müddətinə azadlıqdan məhrum edilib. O, cəzasını çəkmək üçün Nijni Tagildəki 5 saylı Cəza Koloniyasına göndərilib.

Təqsirləndirilən şəxs bildirib ki, 2024-2025-ci illərdə Rusiya hərbi qulluqçuları cəza koloniyasındakı xarici məhbuslar arasında fəal şəkildə təbliğat aparıb, onlara azadlığa buraxılma, 1,8 milyon rubl məbləğində pul mükafatı, mənzil və Rusiya vətəndaşlığı müqabilində Rusiya-Ukrayna müharibəsində iştirak təklif ediblər.

Təqsirləndirilən şəxs bildirib ki, 2025-ci ilin yanvar ayında zorla Ryazan bölgəsindəki hərbi hissəyə göndərilib və daha sonra Donetsk və Luqanskda təlim keçib. O, döyüş əməliyyatlarında iştirak edib və 2025-ci ilin fevral ayında dron hücumu nəticəsində qəlpə yaraları alıb.

Vladivostokdakı xəstəxanada müalicədən sonra Səmərqənd sakini qaçıb və Moskvadakı Özbəkistan səfirliyi ilə əlaqə saxlayıb və oradan 27 iyul 2025-ci ildə Özbəkistana qaytarılıb.

QAZİLER.AZ