Rusiya prezidenti Vladimir Putin Macarıstanın Baş naziri Viktor Orbana Budapeştdə Ukrayna ilə bağlı sülh sammitinə razılıq verəcəyinə söz verib.

Qaziler.az RBC-Ukrayna-ya istinadən bildirir ki, bu barədə Macarıstanın xarici işlər naziri Peter Siyarto  Facebook-da yazıb.

Siyartoya görə, danışıqlar zamanı Orban Macarıstanın sülhə sadiq olduğunu və sülhün onun maraqlarına uyğun olduğunu bir daha təsdiqləyib.

Xarici işlər naziri Macarıstanın "heç bir əlaqəsi olmadığı halda bu müharibə üçün artıq çox yüksək qiymət ödədiyindən" şikayətlənib.Buna görə də Budapeşt müharibənin mümkün qədər tez bitməsini istəyir.

"Rusiya prezidenti bizi əmin etdi ki, əgər sülh sammiti keçirilərsə, bu, şübhəsiz ki, Budapeştdə baş tutacaq", - deyə o əlavə edib.

QAZİLER.AZ