Belarus Prezidenti Aleksandr Lukaşenko Rusiya lideri Vladimir Putini Ukraynadakı münaqişənin həlli ilə bağlı Minskdə danışıqlar aparmağa dəvət edib.
Qaziler.az bildirir ki, bu barədə BelTA-nın 26 noyabrda verdiyi məlumatda deyilir.
"Yenidən Minskə qayıtmaq istəyirsinizsə, biz həmişə hazırıq", - Lukaşenkonun fikirləri agentliyin Telegram kanalında qeyd olunub.
Elə həmin gün Putin və Lukaşenko Bişkekdəki Ala-Arça dövlət iqamətgahında görüşüblər. Tədbir Rusiya prezidentinin 25-27 noyabr tarixlərində Qırğızıstana dövlət səfərinin bir hissəsidir. Putin əvvəllər Qırğızıstan Prezidenti Sadir Japarovla danışıqlar aparıb.
Rusiya və Belarus liderləri arasında əvvəlki danışıqlar 26 sentyabrda Moskvada Rusiyanın nüvə sənayesinin 80 illiyi münasibətilə keçirilən tədbirlər zamanı baş tutub.
QAZİLER.AZ
