19 noyabr gecəsi və səhəri rusiyalı işğalçılar Ukraynaya 48 raket və 470 müxtəlif tipli dron atıblar. Düşmənin hücumları nəticəsində doqquz mülki şəxs həlak olub, onlarla insan yaralanıb, dağıntı və ziyana səbəb olub.

Qaziler.az bildirir ki, bu barədə RBC-Ukrayna Ukrayna Prezidenti Volodimir Zelenskinin bəyanatına istinadən məlumat yayıb.

Zelenski qeyd edib ki, hazırda bir çox bölgədə ölüm və yaralanma ilə nəticələnən Rusiya terror hücumunun nəticələrinin aradan qaldırılması üçün yardım işləri aparılır. Xüsusilə, Ternopolda rusiyalılar doqquzmərtəbəli yaşayış binalarını hədəfə alıb və yanğınlara səbəb olublar.

"Təəssüf ki, binalara ciddi ziyan dəyib və dağıntılar altında insanlar ola bilər. Bütün lazımi xidmətlər yerində işləyir və hər bir insanın həyatını xilas etməyə çalışır. Hazırda onlarla insanın yaralandığı və təəssüf ki, doqquz nəfərin öldüyü məlumdur. Ölənlərin ailələlərinə başsağlığı verirəm", - deyə prezident yazıb.

Zelenski əlavə edib ki, işğalçılar Xarkova da hücum ediblər və orada onlarla insan yaralanıb. İvano-Frankivsk bölgəsi də hücuma məruz qalıb, üç nəfər yaralanıb, Lvov bölgəsi də eyni vəziyyətdədir - hər iki halda Rusiya raketləri və dronları enerji infrastrukturunu hədəf almağa cəhd edib. Düşmən digər bölgələrə də hücum edib.

QAZİLER.AZ