Ukrayna Prezidenti Vladimir Zelenski Türkiyə Prezidenti Rəcəb Tayyib Ərdoğanla görüşəcəyini açıqlayıb. O, Ukrayna üçün ədalətli sülhə nail olmağın yollarını müzakirə etməyi planlaşdırır.

Qaziler.az bildirir ki, RBC-Ukrayna-nın məlumatına görə, Zelenski bu açıqlamanı İspaniya Baş naziri Pedro Sançeslə keçirdiyi mətbuat konfransında verib.

Zelenski sabah Türkiyə Prezidenti Rəcəb Tayyib Ərdoğanla görüşəcəyini açıqlayıb. O bildirib ki, danışıqlar zamanı iki tərəf Ukraynanın ədalətli sülhə nail olması üçün yol aça biləcək "maksimum imkanlar" üzərində işləyəcək.

"Türkiyə Prezidenti ilə yaxşı münasibətlərim var. Müzakirə edəcəyik. ABŞ-dan bəzi mövqelər və siqnallar var. Sabah görəcəyik", - deyə Zelenski bildirib.

O əlavə edib ki, söhbət iki tərəfin mövqelərinin nə dərəcədə uyğun olduğundan asılı olaraq görüş uzun və ya qısa ola bilər.

QAZİLER.AZ