Rusiya qoşunları bu gün, 17 noyabr tarixində günortadan sonra Dnepropetrovsk vilayətindəki Nikopol şəhərinə artilleriya hücumu həyata keçirib. Hücum nəticəsində çoxmərtəbəli binalara ziyan dəyib və insan tələfatı olub.

Qaziler.az bildirir ki, bu barədə RBC-Ukrayna Dnepropetrovsk Vilayət Dövlət Administrasiyasının rəhbəri Vladislav Qayvanenkonun Telegram kanalına istinadən məlumat yayıb.

"Düşmən artilleriyasının zərbəsinə məruz qalan Nikopolda iki nəfər həlak olub. Hücum nəticəsində 76 yaşlı bir qadın və 51 yaşlı bir kişi həlak olub. Onların ailələrinə və dostlarına başsağlığı veririk", - deyə Qayvanenko bildirib.

Onun sözlərinə görə, atəş nəticəsində bir qadın da yaralanıb. O, orta-ağır vəziyyətdə xəstəxanaya yerləşdirilib. Digər bir kişi isə FPV pilotsuz təyyarəsinin zərbəsi nəticəsində yaralanıb və ambulator müalicə alacaq.

QAZİLER.AZ