Moskva məktəblərindən birində 10-cu sinif şagirdi müəllimə hücum edib və bundan sonra müəllim xəstəxanaya yerləşdirilib.

Qaziler.az bildirir ki, bu barədə 12 noyabrda Moskva Təhsil və Elm Departamentinin  Telegram kanalında məlumat verilib.

Hesabatda deyilir ki, "tənəffüs zamanı yeniyetmə müəllimin sinifdən çıxmasını gözləyib, soruşmadan masadan bir yığın dəftər götürüb çantasına qoyub. Sinif otağına qayıtdıqdan sonra müəllim itkini görüb və dəftərlərin geri qaytarılmasını tələb edib. Buna cavab olaraq şagird qadının başına vurmağa başlayıb".

Qeyd olunur ki, müəllim aldığı xəsarətlərlə xəstəxanaya yerləşdirilib.

Bundan əlavə, təhsil müəssisəsinin şagirdin xaric edilməsi məsələsinə baxacağı qeyd olunur.

QAZİLER.AZ