Çelyabinsk vilayətinin Kopeysk şəhərindəki zavodda baş verən partlayış nəticəsində xəsarət alanların sayı kəskin şəkildə artaraq 29-a çatıb.

Qaziler.az bildirir ki, bu barədə Rusiya ərazisinin qubernatoru Aleksey Teksler Telegram-da məlumat verib.

Daha əvvəl Kopeyskdəki zavodda baş verən partlayış nəticəsində 19 nəfərin xəsarət aldığı, onlardan beşinin ağır vəziyyətdə xəstəxanaya yerləşdirildiyi bildirilmişdi.

"On iki nəfərin öldüyü təsdiqlənib. 11 nəfərin yeri dəqiqləşdirilir. 29 nəfərə tibbi yardım göstərilir".

Qubernatorun sözlərinə görə, yaralılardan altısı xəstəxanaya yerləşdirilib, beş nəfərin vəziyyəti ağırdır. Qalan yaralılar ambulator müalicə alırlar.

22 oktyabr axşamı Kopeyskdəki zavodda partlayışlar və yanğın baş verib. Hadisəyə texniki prosesdəki nasazlıq səbəb ola bilər. Partlayışdan sonra şəhər fövqəladə vəziyyət və matəm günü elan edib. 

QAZİLER.AZ