Ermənistanın Baş naziri Nikol Paşinyan bəyan edib ki, yerli şirkətlərin bu addan istifadə etmək hüququ olmadığı üçün onun ölkəsində konyak istehsal oluna bilməz.

Qaziler.az-ın məlumatına görə, bu barədə RİA “Novosti” yazıb. 

Paşinyan parlamentdə hökumət saatı zamanı çıxışında bildirib ki, nüfuzlu beynəlxalq şirkətlərin nümayəndələri Ermənistanda məhsullarının saxtalaşdırılması ilə bağlı ona şikayət ediblər.

"2018-ci ildən bəri deyirəm ki, bu belə olmayacaq. Hökumətin iclasında da dedim ki, fikirlərimizi dəyişmək lazımdır. Konyak Ermənistanda istehsal oluna bilməz, necə ki, “Jermuk” [erməni mineral suyu] Dilicanda istehsal oluna bilmədiyi kimi...", - baş nazir bildirib.

O, həmçinin qeyd edib ki, Ermənistanda şampan da istehsal oluna bilməz.

QAZİLER.AZ