Rusiya müdafiə nazirinin müavini general-polkovnik Aleksandr Fomin vəzifəsini tərk edəcək.

Qaziler.az bildirir ki, bu barədə oktyabrın 16-da “İzvestiya”ya mənbə bildirib.

Fomin Rusiya Müdafiə Nazirliyində beynəlxalq hərbi əməkdaşlığa nəzarət edir. O, Beynəlxalq Hərbi Əməkdaşlıq üzrə Baş İdarəyə və Müqavilənin İcrasının Monitorinqi Direktorluğuna (Milli Nüvə Riskinin Azaldılması Mərkəzi) nəzarət edir.

66 yaşlı general 1990-2000-ci illərdə “Rosvoorujenie” və “Rosoboroneksport”da əsas vəzifələrdə çalışıb. 2004-cü ildə Hərbi-Texniki Əməkdaşlıq üzrə Federal Xidmətin (FSMTC) direktor müavini, 2012-2017-ci illərdə isə xidmətə rəhbərlik edib.

2017-ci ilin yanvarında Fomin müdafiə nazirinin müavini təyin edilib.

QAZİLER,AZ