Ukrayna qoşunları Dobropollyaistiqamətində əks-hücum əməliyyatlarını davam etdirir, Rusiyanın hücumlarını dəf edir və düşmənə xeyli itki verir.

Qaziler.az bildirir ki, bu barədə Ukrayna Silahlı Qüvvələrinin Ali Baş Komandanı Aleksandr Sırskinin bəyanatına istinadən RBC-Ukrayna məlumat yayıb.

Sırski qeyd edib ki, cəbhədə əməliyyat vəziyyəti çətin olaraq qalır. O, bəyan edib ki, Ukrayna müdafiə qüvvələri öz səylərini düşməni cilovlamağa, təhlükə altında olan ərazilərdə, ilk növbədə Limanski, Pokrovski, Dobropolya və Novopavlovskidə vəziyyəti sabitləşdirməyə və düşmənə xeyli itkilər verməyə yönəldir.

Ukrayna Ali Baş Komandanının sözlərinə görə, sentyabrda Rusiya işğalçılarının ümumi itkiləri 28500 nəfər təşkil edib.

Sırskinin sözlərinə görə, Hava Desant-Hücum Qoşunlarının, hücum alaylarının və Müdafiə Qüvvələrinin digər bölmələrinin uğurlu fəaliyyəti sayəsində onlar payızın əvvəlində bütün Donetsk vilayətini ələ keçirməyi planlaşdıran düşməni dayandırıb geri oturda bilirlər.

“Əsgərlərimizə əzmkarlığa və səmərəli əks-hücumlara görə təşəkkür edirik!”, o, deyib.

QAZİLER.AZ