Türkiyənin Uşak bölgəsindəki xəstəxana morqundan çıxarılaraq səhv dəfn edilən meyit sonradan müəyyən edildikdən sonra eksqumasiya edilərək yaxınlarına təhvil verilib.

Qaziler.az bildirir ki, bu barədə TRT-Haber məlumat yayıb.

18 gün əvvəldən yaşla bağlı narahatlıqlarla Uşak Təhsil və Araşdırma Xəstəxanasında müalicə alan 80 yaşlı G.G. bazar günü dünyasını dəyişib.

Beyin qanamasından təxminən dörd aydır eyni xəstəxanada müalicə alan 91 yaşlı G.K. bazar ertəsi səhər tezdən dünyasını dəyişib.

Hər iki meyit xəstəxananın morquna yerləşdirilib.

Dünən G.G.-nin meyitini almaq üçün xəstəxanaya gedən yaxınları onun orada olmadığını öyrənib.

Xəstəxana və morq əməkdaşlarının araşdırmasından sonra müəyyən edilib ki, G.G. eyni xəstəxanada dünyasını dəyişən G.K.-nın yaxınları tərəfindən meyitxanadan götürülərək dünən Sivaslı rayonunun Selçikler qəsəbəsində dəfn edilib.

Selçiklerdəki məzar Sivaslı Respublika Prokurorluğunun koordinasiyasında çıxarılıb, cəsəd Sivaslı Dövlət Xəstəxanası morquna aparılıb.

G.G.-nin yaxınları onun şəxsiyyətini müəyyən etdikdən sonra meyit ailəyə təhvil verilib.

Prosedurlar başa çatdıqdan sonra G.G. Uşak Əsri qəbiristanlığında dəfn ediləcək, G.K. Selçiklerdə dəfn ediləcək.

QAZİLER.AZ