Türkiyə Böyük Millət Məclisində prezident Ərdoğanla görüşən Əhməd Davudoğlu həmin anları hədislə danışıb. Davudoğlu, “Məhəmməd Peyğəmbər (s) “Gülümsəmək sədəqədir” deyib. Mən harada olsam da gülümsəyirəm, sifət eləməyin nə mənası var?!", - deyib.

Qaziler.az ensonhaber-ə istinadən bildirir ki, Türkiyə Böyük Millət Məclisi yeni qanunvericilik ilinə başlayıb.

Oktyabrın 1-də iki ay yarımlıq fasilədən sonra parlament öz işinə başlayıb və axşam təşkil edilən ziyafət bəzi tarixi anlar yaşatdı.

Qəbulda prezident Rəcəb Tayyib Ərdoğan da iştirak edib. O, MHP sədri Dövlət Baxçalı, DEM Partiyasının həmsədrləri Tuncer Bakırhan və Tülay Hatimoğulları Oruç, DEVA Partiyasının sədri Əli Babacan, Gələcək Partiyasının sədri Əhməd Davudoğlu, Böyük Birlik Partiyasının sədri Mustafa Destici, HÜDA PAR sədri Zəkəriyyə Yapıcıoğlu və millət vəkilləri ilə söhbət edib.

Söhbətin səhnələrindən sonra Gələcək Partiyasının sədri Əhməd Davudoğlu EKOL TV-nin Nagehan Alçı və Ferhat Muratın aparıcılıq etdiyi "Gün Başlarken" verilişinə qatılaraq diqqətçəkən açıqlamalar verib.

Əhməd Davudoğlu prezident Ərdoğanla görüşünü şərh edərkən bir hədisi misal çəkərək dedi:

"Mən bu şəkildə heç bir qəbahət görmürəm. Bəziləri deyir ki, əfəndim, çox xoşbəxtsən".

Gülmək mənim xüsusiyyətimdir. Peyğəmbərin  sünnəsidir, ona görə də mən bunu sadəcə hekayə kimi danışmıram.

Çox az adam, əgər varsa, mənim evdən kənarda güldüyümü görməyib. Qəhqəhə doğru deyil; xüsusilə Qəzzada baş verənlərdən sonra heç doğru deyil".

QAZİLER.AZ