Moskvada qətldə şübhəli bilinən tanınmış iş adamı və milyarder İbrahim Süleymanov saxlanılıb.

Qaziler.az bildirir ki, bu barədə Baza Telegram kanalı məlumat yayıb.

Telekanalın məlumatına görə, sahibkar oktyabrın 2-nə keçən gecə saxlanılıb. O, bir neçə il əvvəl törədilmiş qətldə şübhəli bilinir. İşin başqa təfərrüatları açıqlanmayıb.

Tezliklə Süleymanovun barəsində həbs-qətimkan tədbiri seçiləcək və müstəntiqlər onun həbsi üçün təzyiq göstərəcəklər.

Süleymanov müasir Rusiyanın ən nüfuzlu oliqarxlarından biri hesab olunur. O, artıq fırıldaqçılıq və çirkli pulların yuyulmasında günahlandırılıb, lakin bundan sonra da nüfuzunu və hakimiyyətini qoruyub saxlamağı bacarıb. O, əvvəllər dövlətə məxsus olan Sirena-Travel aviaşirkətinin bron sistemi üzərində nəzarəti və nəqliyyat, aviasiya və informasiya texnologiyaları kimi əsas sektorlarda nüfuz sahibi hesab olunurdu.

Bundan əvvəl Moskva məhkəməsi 2022-ci ilin yayında iş adamı Ohanes Kamaryanı qətlə yetirməkdə təqsirləndirilən şəxsə hökm çıxarıb. Qatil iş adamının Komsomolski prospektindəki evinə gəlib və Kamaryanın arkaya girməsini gözləyəndən sonra tapançadan dörd atəş açıb. İş adamı hadisə yerində dünyasını dəyişib. Təqsirləndirilən şəxs özünü təqsirli bilib. Məhkəmənin hökmü ilə o, 12 il müddətinə azadlıqdan məhrum edilib.

QAZİLER.AZ