Ukraynanın Avropa İttifaqına daxil olmasına heç kim mane ola bilməz, çünki bu, ölkənin öz istəyi və Avropanın iradəsidir. Xüsusilə Macarıstanın Baş naziri Viktor Orban bunu edə bilməz.

RBC-Ukraynanın məlumatına görə, bunu Ukrayna prezidenti Vladimir Zelenski Danimarkanın baş naziri Mette Frederiksenlə birgə mətbuat konfransı zamanı deyib.

Zelenski qeyd edib ki, Ukraynanın Aİ-yə daxil olması hələ də bloka üzv dövlətlərin birliyindən və birgə qərarından asılıdır. Ukraynanın üzləşdiyi yeganə problem Macarıstanın rusiyayönlü mövqeyidir.

"Macarıstanla problemlərimiz var. Bu barədə açıq deyə bilərik. Çünki Viktor Orbanın seçmək imkanı var. Seçmək imkanı olduğu üçün o, qüdrətli ölkənin Aİ-yə gedən yolunu kəsir", - Zelenski bildirib.

Ukrayna prezidenti həmçinin Orbanın mövqeyini Ukraynaya qarşı təcavüzkar müharibə aparan Rusiyanın hərəkətləri ilə eyniləşdirib.

“Çünki Rusiya da bizim Avropaya doğru hərəkət etmək seçimimizə görə müharibəyə başladı, çünki biz digər Avropa ölkələri ilə eyni dəyərləri paylaşırıq”, - deyə prezident yekunlaşdırıb.

Qeyd edək ki, Orban Aİ-yə daxil olmaq əvəzinə Ukrayna ilə sözdə “strateji tərəfdaşlığın” tərəfdarı olduğunu bəyan edib. Bundan əlavə, Avropa subsidiyalarına çox güvənən bir ölkənin lideri, Aİ üzvlərinin müxtəlif proqramlar üçün Ukraynaya pul ödəməli olacağını bildirdi. Onun sözlərinə görə, məhz buna görə Ukraynanın üzvlüyünə qarşı çıxır.

QAZİLER.AZ