Ukrayna prezidenti Vladimir Zelenski sanksiyalar siyasəti ilə bağlı iclas keçirib. Rusiyaya qarşı yeni sanksiyalara hazırlıq və bu məhdudiyyətlərin tərəfdaşlarla sinxronlaşdırılması davam edir.

Qaziler.az bildirir ki, bu barədə “RBC-Ukrayna” dövlət başçısının Telegram-kanalına istinadən məlumat yayıb.

Zelenski bildirib ki, Milli Təhlükəsizlik və Müdafiə Şurasının katibi Rustem Umerov və sanksiyalar siyasəti üzrə komissarı Vladislav Vlasyuk yeni sanksiya addımları və sanksiyaların tərəfdaşlarla sinxronlaşdırılması barədə məlumat veriblər.

Prezident qeyd edib ki, təkcə sentyabr ayında Ukrayna beş sanksiya tətbiq edib – Rusiyanın hərbi sənaye kompleksinə, kölgə donanmasına və enerji sektoruna yardım edən şəxslərə; təbliğatçılara, Moldovadan olan rusiyapərəst şəxslərə və müvəqqəti olaraq işğal olunmuş Krımda işğalçı dövlətə xidmət edən şəxslərə qarşı; və Ukraynanın yurisdiksiyası altında Britaniya sanksiyalarının sinxronlaşdırılması.

Ümumilikdə 166 fiziki və 127 hüquqi şəxsə qarşı sanksiya tətbiq edilib.

Zelenski həmçinin xatırladıb ki, bu ay ABŞ, Böyük Britaniya, Kanada, Yaponiya, Avstraliya və Yeni Zelandiya tərəfindən əhəmiyyətli sanksiya tədbirləri görülüb.

QAZİLER.AZ