Ukraynanın Lvov şəhəri yaxınlığındakı Podriasne kəndində bu gün, sentyabrın 12-də günorta saatlarında avtoservis mərkəzinin binasında atışma baş verib. İnsident nəticəsində iki nəfər ölüb.
Qaziler.az bildirir ki, bu barədə RBC-Ukrayna Lvov vilayəti üzrə Milli Polisin mətbuat xidmətinə istinadən məlumat yayıb.
Qeyd olunur ki, hadisə saat 12:00-da Lvov vilayətinin Lvov rayonunun Podriasne kəndində baş verib.
Sözügedən xidmətin iki əməkdaşı avtomobil servisində güllə yarası ilə ölü tapılıb. Vəziyyətlər araşdırılır, hadisə yerində ixtisaslaşmış xidmətlər işləyir.
QAZİLER.AZ
