Türkiyənin Şanlıurfa bölgəsinin Hilvan rayonunda kənd təsərrüfatı işçilərini daşıyan mikroavtobusun minik avtomobili ilə toqquşması nəticəsində 15 nəfər xəsarət alıb.
Qaziler.az TRT-Haber-ə istinadən bildirir ki, Ovacık kəndi yaxınlığında kənd təsərrüfatı işçilərini daşıyan mikroavtobus avtomobillə toqquşub.
Xəbər verildikdən sonra hadisə yerinə çoxlu sayda tibb, xilasetmə və jandarma qrupları gəlib.
Qəza nəticəsində 11-i qadın olmaqla 15 nəfər xəsarət alıb və təcili tibbi yardım maşını ilə şəhər xəstəxanalarına çatdırılıb.
Yaralıların vəziyyətinin kafi olduğu bildirilir.
QAZİLER.AZ
