Saratovda çoxmərtəbəli binada baş verən qaz partlayışı və sonradan binanın konstruksiyalarının uçması ilə əlaqədar iyulun 26-sı matəm günü elan edilib.

Qaziler.az "izvestiya"ya istinadən bildirir ki, bu barədə iyulun 25-də Saratov vilayətinin qubernatoru Roman Busarqin məlumat verib.

"Saratov şəhərinin Blinova küçəsindəki yaşayış binasında baş vermiş faciəvi hadisə ilə əlaqədar iyulun 26-da şənbə günü rayonda matəm günü elan edilməsi barədə qərar qəbul edilib", - o, Teleqram-kanalında yazıb.

Qeyd olunur ki, bu gün ərzində şəhərdə Saratov vilayətinin və bələdiyyələrin bayraqları endiriləcək. Bundan əlavə, telekanallarda və mədəniyyət müəssisələrində bütün əyləncə proqramları və tədbirlər ləğv ediləcək.

QAZİLER.AZ