İlkin məlumata görə, Amur vilayətində qəzaya uğrayan An-24 sərnişin təyyarəsinin göyərtəsində olanların hamısı ölüb.

Qaziler.az "izvestiya"ya istinadən bildirir ki, bu barədə iyulun 24-də Amur Mülki Müdafiə və Yanğın Təhlükəsizliyi Mərkəzinin mətbuat xidməti məlumat yayıb.

Telegram kanalında deyilir: "Mi-8 uçuşu zamanı sağ qalan tapılmayıb".

Təyyarənin qəzaya uğraması zamanı yanğının baş verdiyi dəqiqləşdirilir. Hazırda hadisə yerinə 25 mütəxəssis və 5 texnika göndərilib, ekipajları olan 4 təyyarə hazır vəziyyətdədir.

10.51

Rusiyada bir qədər əvvəl əlaqənin kəsildiyi An-24 təyyarəsinin qalıqları Amur vilayətində Tında şəhərindən 15 km aralıda tapılıb.

Qaziler.az bildirir ki, bu barədə “İzvestiya”ya iyulun 24-də fövqəladə hallar xidmətindən məlumat verilib.

Rusiya Fövqəladə Hallar Nazirliyi dəqiqləşdirib ki, təyyarənin yanan gövdəsi axtarış tədbirləri zamanı aşkarlanıb. O, havadan axtarış zamanı tapılıb. Xilasedicilər hadisə yerinə getməkdə davam edir.

“İzvestiya” qeyd edir ki, həmçinin şahidin sözlərinə görə, An-24-ün guya aşağı hündürlükdə uçduğu və qəribə uğultu səsləndirdiyi video əldə edib.

Regional hökumətin bildirdiyinə görə, qəzaya uğramış təyyarənin tapıldığı yerə tibbi heyətlə birlikdə iki helikopter uçmağa hazırdır.

İdarənin VKontakte sosial şəbəkəsindəki səhifəsində deyilir: "Fövqəladə Hallar Nazirliyinin psixoloq qrupları hadisə qurbanlarının yaxınları ilə işləməyə hazırdır".

QAZİLER.AZ