Rusiya Silahlı Qüvvələri Ukraynanın Donetsk vilayətində Tolstoy yaşayış məntəqəsini ələ keçirib.

Qaziler.az bildirir ki, bu barədə iyulun 9-da Rusiya Müdafiə Nazirliyi məlumat yayıb.

“Vostok” qüvvələr qrupunun bölmələrinin fəal və qətiyyətli hərəkətləri nəticəsində Donetskdə Tolstoy kəndi azad edilib”, - nazirliyin məlumatında deyilir.

Rusiya ordusunun 7 kəndin ərazisində Ukrayna Silahlı Qüvvələrinin üç mexanikləşdirilmiş briqadasının, bir pilotsuz sistem alayının, bir dəniz briqadasının və dörd ərazi müdafiə briqadasının canlı qüvvəsini və hərbi texnikasını məhv etdiyi vurğulanır.

Nəticədə Ukrayna ordusu 205-ə qədər əsgər, iki tank, bir zirehli döyüş maşını, 17 maşın və bir elektron müharibə (EW) stansiyasını itirib.

QAZİLER.AZ