Rusiya Ermənistanın Gümrü şəhərindəki hərbi bazasının sözdə əlavə heyəti ilə öz hərbi mövcudluğunu artırmağı planlaşdırır.

Qaziler.az bildirir ki, bu barədə RBC-Ukrayna Ukrayna Müdafiə Nazirliyinin Baş Kəşfiyyat İdarəsinin Telegram kanalına istinadən məlumat yayıb.

BKİ Rusiya Silahlı Qüvvələrinin Cənub Hərbi Dairəsinin qərargah rəisi vəzifəsini icra edən general-mayor Zemskovun teleqramını dərc edib.

"Sənəddə Rusiya Silahlı Qüvvələrinin Cənub Hərbi Dairəsinin komandanlığının Ermənistanın Gümrü şəhərindəki Rusiya hərbi bazasının sözdə əlavə ştatla Rusiya qoşunlarının qruplaşdırılmasının artırılması haqqında əmri var", - Ukrayna BKİ əlavə edir.

QAZİLER.AZ