Federal Təhlükəsizlik Xidməti Moskvada saxta sənədlərlə Rusiyaya gələn iki Moldova kəşfiyyatçısını saxlayıb.

Qaziler.az bildirir ki, bu barədə FTX-nın İctimaiyyətlə Əlaqələr Mərkəzindən (İƏM) TASS-a bildiriblər. Agentliyin məlumatına görə, onlar ifadə verərək etiraf ediblər.

"İki Moldova vətəndaşı saxta şəxsiyyət məlumatları olan sənədlərdən istifadə edərək Moskvaya gəlib", - İƏM-in məlumatında deyilir.

Qeyd olunur ki, Moldova İnformasiya və Təhlükəsizlik Xidmətinin tapşırığı ilə Rusiya Federasiyasına gələn casuslar Rusiya və Rusiya vətəndaşlarının təhlükəsizliyinə zidd hərəkətlər etməyi planlaşdırıblar.

"Məhkəmə onların barəsində həbs-qətimkan tədbiri seçib. Cinayət işi açılıb; agentləri səkkiz ilə qədər həbs gözləyir".

QAZİLER.AZ