Bəhreyn kralının oğlu, milli təhlükəsizlik müşaviri, kral qvardiyasının komandanı Nasir bin Həməd Əl-Xəlifə Rusiya prezidenti Vladimir Putinə İran və İsrail arasında münaqişənin həlli istiqamətində göstərdiyi səylərə görə təşəkkür edib.

Qaziler.az bildirir ki, Kremlin məlumatına görə, liderlərin görüşü Sankt-Peterburq Beynəlxalq İqtisadi Forumu meydançasında keçirilir.

"Biz hamımız regionda gərginliyin azaldılmasında maraqlıyıq və cənab Prezident, bu gərginliyin aradan qaldırılmasına yönəlmiş səylərinizə görə çox minnətdarıq", deyə Əl-Xəlifə bildirib.

Bir qədər əvvəl Rusiya prezidentinin mətbuat katibi Dmitri Peskov bildirib ki, inkişaf edən İran-İsrail münaqişəsi fonunda Rusiya və İsrail işçi kanallar vasitəsilə əlaqə saxlayır. O, Rusiya prezidenti Vladimir Putinin İsrailin baş naziri Benyamin Netanyahu ilə telefon danışığı apardığını xatırladıb.

QAZİLER.AZ