Rusiyanın Federal Təhlükəsizlik Xidmətinin (FSB) Çelyabinsk vilayəti üzrə idarəsinin əməkdaşları yerli sakinin hökumət binasını yandırmaq cəhdinin qarşısını alıblar.
Qaziler.az bildirir ki, bu barədə iyunun 4-də idarənin mətbuat xidməti məlumat yayıb.
"Hökumət binasını yandırmağa cəhd edən, sonra isə cinayət yerindən qaçan yerli sakin saxlanılıb", - məlumatda deyilir.
İdarə qeyd edib ki, şübhəli şəxs barəsində “Terror aktı törətməyə cəhd” maddəsi ilə cinayət işi açılıb.
Hazırda əldə edilmiş sübutların birləşdirilməsi istiqamətində əməliyyat-axtarış tədbirləri davam etdirilir.
QAZİLER.AZ
