Odessa növbəti dəfə düşmən atəşi altında çətin gecə yaşayıb. İyunun 4-nə keçən gecə Rusiya qoşunları hücum dronları ilə şəhərə və onun ətrafına hücum edib.

Qaziler.az bildirir ki, bu barədə RBC-Ukrayna Odessa Vilayət Prokurorluğunun mətbuat xidmətinə və Odessa hərbi administrasiyasının rəhbəri Oleq Kiperə istinadən məlumat yayıb.

İlkin məlumatlara görə, işğalçılar 20-dən çox dronu işə salıblar.

Mülki infrastruktur obyektlərinə, yaşayış binalarına, qarajlara və özəl müəssisələrin anbarlarına ziyan dəyib. Zərbənin baş verdiyi yerlərdə dağıntılar və yanğınlar qeydə alınıb. Dəymiş ziyanın tam siyahısı hələ də müəyyənləşdirilir.

Hərbi administrasiyasının rəhbəri Oleq Kiperin sözlərinə görə, bir nəfər xəsarət alıb.

"Həkimlərimiz bütün lazımi yardımları göstəriblər. Həmçinin 9 nəfər psixoloji dəstək üçün müraciət edib".

QAZİLER.AZ