Qırğızıstanın keçmiş prezidenti Almazbek Atambayev qiyabi olaraq 11,5 il müddətinə azadlıqdan məhrum edilib.

Qaziler.az bildirir ki, bu barədə iyunun 3-də "Sputnik Qırğızıstan" məlumat yayıb.

“Pervomayski Məhkəməsi həmçinin keçmiş prezidentin əmlakının müsadirə edilməsi və onun dövlət mükafatlarından məhrum edilməsi haqqında qərar çıxarıb”, - nəşrin Teleqram kanalında aydınlıq gətirilib.

Atambayev ölkənin Çuy vilayətinin Koy-Taş kəndində qanunsuz torpaq sahələri əldə etməkdə, Bişkek İstilik Elektrik Stansiyasının (İES) modernləşdirilməsi zamanı korrupsiyada və avqustun 7-8-də Koy-Taş kəndində kütləvi iğtişaşların təşkilində təqsirli bilinib.

QAZİLER.AZ