Türkiyə xarici işlər naziri Hakan Fidan Serbiyaya səfəri çərçivəsində Belqradda Serbiyanın xarici işlər naziri Marko Curiç ilə görüşüb.

Qaziler.az TRT-Haber-ə istinadən bildirir ki,diplomatik fəaliyyətini davam etdirən Türkiyənin xarici işlər naziri Fidan Serbiyadakı təmasları çərçivəsində həmkarı Marko Curiç ilə görüşüb.

Belqradda keçirilən toplantıda Türkiyə-Serbiya əlaqələri, iqtisadi və diplomatik əməkdaşlıq gündəmdədir.

Hakan Fidan və Serbiya xarici işlər nazirinin gündəmində Balkanlarda sülh və sabitliyin qorunması və Türkiyənin məsələyə yanaşması var.

Bosniya-Hersoqovinadakı hadisələr də müzakirə mövzuları arasındadır.

Verilən məlumata görə, Hakan Fidanın Serbiya Prezidenti Aleksandar Vuçiç tərəfindən qəbul edilməsi planlaşdırılır.

QAZİLER.AZ