Türkiyənin Ədalət və İnkişaf Partiyasının (AK Parti) sözçüsü Ömər Çelik PKK terror qruplaşmasının özünü ləğv etməsi və silahı buraxması qərarını şərh edib.

"Report" "TRT Haber"ə istinadən xəbər verir ki, o, bunu “terrorsuz Türkiyə” hədəfi baxımından əhəmiyyətli mərhələ adlandırıb.

"Terrorizm tamamilə bitərsə, yeni dövrün qapısı açılacaq", - partiya rəsmisi vurğulayıb.

Ö.Çelik əlavə edib ki, verilən qərar praktikada da həyata keçirilməlidir: "Bu proses dövlət qurumlarımız tərəfindən ciddi şəkildə izləniləcək, nəticələr Prezident Rəcəb Tayyib Ərdoğana təqdim olunacaq".

Qeyd edək ki, PKK terror təşkilatı bu gün rəsmi şəkildə özünü buraxdığını elan edib.