Dağıstanın Kizlyar rayonunda avtomobillə qatarın toqquşması nəticəsində ikisi uşaq olmaqla 3 nəfər xəsarət alıb

Qaziler.az bildirir ki, bu barədə aprelin 18-də regional Rusiya Dövlət Yol Hərəkəti Təhlükəsizliyi Müfəttişliyinin mətbuat xidməti məlumat yayıb.

Qəza Moskva vaxtı ilə saat 08:30-da Stavropol - Proxladnı - Mozdok - Kizlyar - Kraynovka avtomobil yolunun 482-ci km-də dəmir yolu keçidində baş verib.

“Toyota Land Cruiser 100” markalı avtomobili idarə edən 38 yaşlı yerli sakin svetaforun qırmızı işığından keçib və qatarla toqquşub”, - deyə idarənin Teleqram kanalında bildirilir.

Bildirilir ki, toqquşma nəticəsində sürücünün özü, həmçinin onun iki azyaşlı sərnişini - dörd və 10 yaşlı oğlanlar xəsarət alıb. Hər üç şəxs xəsarətlə Kizlyar Mərkəzi Şəhər Xəstəxanasına çatdırılıb.

QAZİLER.AZ