Rusiya Təhlükəsizlik Şurasının sədr müavini Dmitri Medvedyev bildirib ki, silinməmiş cinayət keçmişi olan miqrantlar potensial təhlükəli hesab edilə bilər və buna görə də onlara Rusiyada yaşamaq icazəsi verilməməlidir. Belə əcnəbilərin müəyyən edilməsi üçün əlavə tədbirlər öyrənilməlidir.

Qaziler.az bildirir ki, bu barədə o, VKontakte sosial şəbəkəsindəki səhifəsində qeyd edib.

"Bundan əlavə, müzakirələr zamanı qaldırılmamış və ya silinməmiş cinayət keçmişi olan miqrantları müəyyən etməyə imkan verəcək əlavə tədbirlərə diqqət yetirilib. Onlar cəmiyyətimiz üçün təhlükə yaradırlar. Onların bizimlə yaşamasına, xüsusən də Rusiya vətəndaşlığını almasına icazə verilməsi yolverilməzdir. Bu məsələlərdə biz tərəfdaşlarımızla əməkdaşlığı gücləndirəcəyik", Medvedyev vurğulayıb.

QAZİLER.AZ