Moskva vilayətində yeniyetmə bıçaqla azyaşlı oğlana hücum edib, uşaq ölüb.

Qaziler.az bildirir ki, bu barədə aprelin 9-da Moskva vilayəti Prokurorluğunun mətbuat xidməti məlumat yayıb.

Məlumatda yeniyetmənin yataqxananın girişində on yaşlı oğlanı bıçaqladığı deyilir.

Göstərilən tibbi yardıma baxmayaraq, uşağı xilas etmək mümkün olmayıb.

Rusiya Daxili İşlər Nazirliyinin Moskva vilayəti üzrə Baş İdarəsinin mətbuat xidməti daha sonra aydınlaşdırıb ki, polisə yerli sakindən Nekrasovski kəndindəki evlərdən birinin yaxınlığında bıçaq yarası ilə öldüyü doqquz yaşlı uşağın tapılması barədə məlumat daxil olub.

Cinayətdə şübhəli bilinən şəxs dərhal İkşa stansiyasında polis əməkdaşları tərəfindən saxlanılıb; onun 14 yaşlı yerli sakin olduğu məlum olub.

Rusiya Federasiyası Cinayət Məcəlləsinin 105-ci ("Qətl") Maddəsi ilə cinayət işi açılıb.

QAZİLER.AZ