Türkiyənin Kocaeli bölgəsində bir restoranda toyuq dönəri yedikdən sonra rahatsızlanan 51 nəfər zəhərlənmə şübhəsi ilə xəstəxanaya aparılıb.

Qaziler.az bildirir ki, bu barədə TRT-Haber məlumat yayıb.

Məlumata görə, 50 adam müalicələrinin ardından evə buraxılarkən, Kocaeli Kənd Təsərrüfatı və Meşə İl Müdirliyi qrupları iş yerindən analiz üçün nümunə götürüb.

Atatürk küçəsində yerləşən dönər restoranında toyuq yeyən 51 nəfər bir müddət sonra ürəkbulanma, qızdırma və qusma şikayətləri ilə əziyyət çəkməyə başlayıb.

Sözügedən şəxslər dünən axşam və gecə saatlarında Derince Təhsil və Araşdırma Xəstəxanasına, Körfez Dövlət Xəstəxanasına və şəhərdəki özəl xəstəxanalara müraciət ediblər.

Yedikləri yeməkdən zəhərləndiyi güman edilən 50 nəfər müalicələrinin ardından evə buraxılarkən, 1 nəfərin müalicəsinin davam etdiyi öyrənilib.

Kocaeli Kənd Təsərrüfatı və Meşə İl Müdirliyi qrupları iş yerində satılan dönərdən nümunə götürərək analizə göndərib.

Hadisə ilə bağlı araşdırma aparılır.

QAZİLER.AZ