Rusiyanın İrkutsk vilayətində Tu-22M3 təyyarəsi planlı uçuşu yerinə yetirərkən qəzaya uğrayıb, pilotlardan biri ölüb.

Qaziler.az bildirir ki, bu barədə aprelin 2-də Rusiya Müdafiə Nazirliyi məlumat yayıb.

Departamentin məlumatına görə, dörd ekipaj üzvü havaya qalxa bilib, lakin onlardan biri eniş zamanı ölüb. Hadisə yerinə gələn axtarış-xilasetmə qrupu sağ qalanları baza aerodromuna təxliyə edir.

Təyyarə yaşayış olmayan əraziyə düşüb və yerə heç bir ziyan dəyməyib. İdarə ilkin olaraq qəzaya səbəb kimi texniki nasazlığı göstərib.

İrkutsk vilayətinin başçısı İqor Kobzevin sözlərinə görə, qəza Usolski rayonunun Buret kəndi yaxınlığında baş verib. O, əlavə edib ki, qəza nəticəsində mülki şəxslər xəsarət almayıb, yaşayış binalarına heç bir ziyan dəyməyib.

QAZİLER.AZ