"Son 24 saat ərzində Rusiya Silahlı Qüvvələrinin Şimal qoşun qruplaşmasının bölmələri Kursk vilayətində 150-dən çox ukraynalı döyüşçünü məhv edib".

Qaziler.az xəbər verir ki, bu barədə Rusiya Müdafiə Nazirliyi bildirib.

Bundan əlavə, hərbi idarənin məlumatına görə, eyni müddət ərzində Ukrayna ordusu Kursk yaxınlığında iki pilotsuz təyyarə idarəetmə məntəqəsini itirib.

Məlumatda bildirilir ki, son 24 saat ərzində Ukrayna Silahlı Qüvvələri 150-dən çox hərbçisini itirib, səkkiz maşın və iki PUA-nın idarəetmə məntəqəsi məhv edilib.

Rusiya Müdafiə Nazirliyi qeyd edib ki, Rusiya Silahlı Qüvvələrinin zərbələri Qornal, Quevo və Oleşnya yaşayış məntəqələri ərazilərində düşmənin piyada və texnikasını vurub. Bundan başqa, Ukraynanın Sumı vilayətinin Basovka, Vladimirovka, Miropolye və digər 11 yaşayış məntəqəsində də Ukrayna Silahlı Qüvvələrinin mövqelərinə hücum edilib.

QAZİLER.AZ