Genişmiqyaslı işğalın başlanğıcından bəri Rusiya Ukraynadan 19 mindən çox uşağı qaçıraraq onları rusiyalılara çevirməyə çalışır. Amma Ukrayna Prezidentinin Aparatı onları vətənə qaytarmaq üçün əlindən gələni edir.

Qaziler.az RBC-Ukrayna-ya istinadla xəbər verir ki, bu barədə "Bring Kids Back UA" təşəbbüsünün direktoru və Prezident Aparatı rəhbərinin müşaviri Darya Zarivnaya bildirib.

"19 mindən çox ukraynalı uşaq Rusiya Federasiyası tərəfindən oğurlanıb. Onlar haradadırlar? Onlara nə olub? Bu, bizim hər gün verdiyimiz sualdır. Və eyni zamanda, biz dəhşətli həqiqəti görürük: Putin bizim uşaqlarımızdan silah kimi istifadə edir. Onlar öz vətənlərini unutmağa məcbur edilir, şəxsiyyətləri dəyişdirilir, onlara Ukraynaya nifrət öyrədilir", - Zarivnaya deyib.

Direktorun sözlərinə görə, onlar qaçırılan uşaqlardan “rusiyalılar” düzəltməyə çalışırlar ki, sonra onları Rusiya televiziyasında göstərsinlər və ya öz xalqlarına qarşı müharibəyə hazırlasınlar.

QAZİLER.AZ