Gürcüstan Rusiyaya şərab ixracını iki dəfə azaldır

Qaziler.az Rusiya mətbuatına istinadən bildirir ki, Gürcüstanın Milli Statistika İdarəsinin hesabatına görə, 2025-ci ilin yanvar ayında Gürcüstanın Rusiyaya şərab tədarükü əvvəlki illə müqayisədə iki dəfə azalıb.

Beş min ton əvəzinə cəmi 2,5 min ton ixrac edilib. Pul ifadəsində ixrac 1,9 dəfə azalaraq 13,3 dollardan (1,2 milyard rubl) 6,9 milyon dollara (624 milyon rubl) düşüb.

Bununla yanaşı, digər spirtli içkilərin ixracı da azalıb. 2025-ci ilin yanvarında ümumilikdə 5,1 milyon dollar (461 milyon rubl) dəyərində 1,1 min ton spirt tədarük edilib. Bir il əvvəl həcm 1,5 min ton, ümumi dəyəri isə 5,8 milyon dollar (524 milyon rubl) olub.

Şərab və spirt ehtiyatlarının azalması fonunda Gürcüstan şəkərsiz mineral və qazlı su ixracını artırıb. 2025-ci ilin yanvar ayında tədarüklər 6,7 milyon dollar (606 milyon rubl) dəyərində 12,4 min tona çatıb ki, bu da keçənilki 9,1 min ton olan 4,8 milyon dollar (434 milyon rubl) göstəricisini üstələyib.

QAZİLER.AZ