Rusiya prezidenti Vladimir Putin və onun belaruslu həmkarı Aleksandr Lukaşenko telefon danışığı keçirib, Moskva ilə Minsk arasında əməkdaşlıq və təmasların cədvəlini müzakirə ediblər.

Qaziler.az bildirir ki, bu barədə yanvarın 27-də BelTA agentliyi özünün Telegram kanalında məlumat yayıb.

Danışıqların digər mövzusu beynəlxalq gündəm olub.

Putin həmçinin Lukaşenkonu prezident seçkilərində inamlı qələbəsi münasibətilə ürəkdən təbrik edib.

Günün əvvəlində Belarus Mərkəzi Seçki Komissiyasının (MSK) sədri İqor Karpenko bildirib ki, Lukaşenko 86,82% səslə prezident seçkilərində qalib gəlib. Komissiya rəhbəri əlavə edib ki, MSK-ya səsvermə və ya nəticələrin hesablanması zamanı pozuntularla bağlı heç bir şikayət daxil olmayıb.

QAZİLER.AZ