Rusiyanın Volqoqrad şəhəri yaxınlığındakı magistral yolda məktəbli avtobusunun iştirakı ilə baş verən qəza nəticəsində 8 nəfər xəsarət alıb. Xəsarət alanlar xəstəxanaya yerləşdirilib.

Qaziler.az bildirir ki, bu barədə yanvarın 23-də Rusiya Səhiyyə nazirinin köməkçisi Aleksey Kuznetsov məlumat verib.

“Volqoqrad vilayətində baş vermiş qəzada yaralanan səkkiz nəfər, o cümlədən yeddi uşaq Oktyabrskaya Mərkəzi Regional Xəstəxanasına yerləşdirilib”, – RİA Novosti onun sözlərinə istinadən xəbər verir.

Kuznetsov vurğulayıb ki, zərərçəkənlərə bütün lazımi yardımlar göstərilir və müayinələr aparılır.

Səhiyyə nazirinin köməkçisi əlavə edib ki, uşaqlar həkim briqadaları tərəfindən Volqoqraddakı xəstəxanalara müalicə olunmaq üçün təxliyə olunacaqlar. O bildirib ki, bundan sonra Rusiya Səhiyyə Nazirliyinin Rusiya Uşaq Kliniki Xəstəxanasının mütəxəssisləri ilə teletibb konsultasiyalarının keçirilməsi planlaşdırılır.

QAZİLER.AZ