ABŞ prezidenti Donald Tramp Ukraynanın NATO-ya üzv olub-olmamasına təsir göstərə bilər. Axı Alyansın yalnız dörd ölkəsi buna qarşıdır.

Qaziler.az RBC-Ukrayna-ya istinadən verdiyi məlumata görə, bu barədə prezident Vladimir Zelenski Beynəlxalq Media Şurasının nümayəndələri ilə görüşü zamanı bildirib.

Onun sözlərinə görə, əvvəlcə bəzi dövlətlər Ukraynaya qarşı qeyri-şəffaf siyasət aparıb və onun NATO-ya daxil olmasını dəstəkləməyiblər.

"Bunlar Ukraynanın NATO-da olacağına dair sadəcə yalan sözlər idi. Çünki onilliklər keçdi və Ukrayna heç vaxt NATO-ya üzv olmadı. Bu, ədalətsizlik idi", - Zelenski bildirib.

Onun fikrincə, Ukraynanın NATO-ya daxil olması məsələsində zəif mövqe tutan ABŞ və Almaniya bu məsələdə rusiyalarla dialoq aparıb. Lakin onlar yəqin ki, bu dialoqu uduzublar, çünki onlar həmişə Rusiya Federasiyası ilə bir vaxtlar hansısa razılaşmaların olmasına müraciət edirlər.

"Niyə birdən-birə bizim haqqımızda bizsiz danışıqlar apardınız? Biz müstəqil ölkəyik. Mən başqalarının Ukraynaya hörmət səviyyəsini bərabərləşdirmək istərdim. Biz  təhlükəsizlik zəmanəti üçün mübarizə aparırıq, NATO-da olmaq istəyirik, NATO ölkələrinin əksəriyyəti bunu dəstəkləyir. Bizi NATO-da dörd ölkə dəstəkləmir: ABŞ, Almaniya, Slovakiya və Macarıstan, lakin hər şey ABŞ-dan asılıdır və əgər Tramp Ukraynanı NATO-da görməyə hazır olarsa, biz NATO-da olacağıq. Əks-təqdirdə, biz NATO-da olmayacağıq”, - prezident Zelenski belə hesab edir.

QAZİLER.AZ