Ukrayna öz sülh strategiyasının bir hissəsi kimi müharibəni bitirməyə kömək edəcək diplomatiyaya yaxınlaşmaq istəyir. Amma sual olunur ki, bu hansı diplomatiya olacaq?

Qaziler.az bildirir ki, bu barədə “RBC-Ukrayna” Ukrayna prezidenti Vladimir Zelenskinin Davosda keçirilən Dünya İqtisadi Forumunda çıxışına istinadən məlumat yayıb.

"Strategiya - biz müharibənin sonuna aparacaq istənilən diplomatiyaya yaxınlaşmalıyıq, buna əminəm. Məsələ bunun nə olacağıdır", - Zelenski qeyd edib.

O qeyd edib ki, diplomatiya güclü olarsa, danışıqlar nəticəsində Ukrayna Rusiya diktatoru Vladimir Putinin təkrar hücumunu qeyri-mümkün edəcək güclü təhlükəsizlik zəmanəti alacaq. Güclü diplomatiya həm də Ukrayna və Avropa üçün davamlı, ədalətli və güclü sülhə gətirib çıxaracaq.

Eyni zamanda, Zelenskinin sözlərinə görə, zəif təhlükəsizlik təminatları, qeyri-müəyyənlik və yalnız sözlər olarsa, “o zaman Rusiyanın ancaq sözü olacaq, müharibə ilə qayıdacaq”.

QAZİLER.AZ