Ukrayna prezidenti Vladimir Zelenski yanvarın 17-də Krivoy Roqın atəşə tutulmasına cavab verib. O, rusiyalıların şəhəri ballistik raketlərlə vurduğunu bildirib.

Qaziler.az  RBC-Ukrayna-ya istinadən bildirir ki,  bu barədə Zelenski Facebook-da yazıb.

Dövlət başçısı vurğulayıb ki, hücum nəticəsində adi yaşayış binaları, təhsil müəssisəsi və şəhərin digər infrastrukturlarına ziyan dəyib. Zərbə yerində xilasedicilər və fövqəladə hallar xidməti işləyir. Xilasetmə əməliyyatı davam edir.

"Təəssüf ki, ölənlər var. Hazırda bu zərbə nəticəsində 4 nəfərin həlak olduğu məlumdur. Onların ailələrinə və yaxınlarına başsağlığı verirəm", - prezident deyib.

O, əlavə edib ki, hər bir belə terror aktı ukraynalıların kiminlə üzləşdiyini bir daha xatırladır.

"Rusiya öz-özünə dayanmır - onu yalnız ümumi təzyiqlə dayandırmaq olar. Dünyada həyata dəyər verən hər kəsin təzyiqi", - Zelenski deyib.

QAZİLER.AZ