Jurnalist və media eksperti Zviad Koridze iddia edir ki, ona “Gürcü arzusu”nun deputatı Dimitri Samxaradze hücum edib.

Qaziler.az bildirir ki, bu barədə "Qruziya onlayn" yazıb.

Koridze Batumidəki “Şeraton” otelində ona edilən hücumun təfərrüatlarını açıqlayaraq, Samxaradzenin söyüş söydüyünü, onu hədələdiyini və sonda hadisəyə mühafizəçinin müdaxilə etdiyini qeyd edib.

“Mən "Şeraton" otelinin foyesində oturmuşdum. orada bir neçə masada içki içən insanlar var idi Onlardan biri masaya, yanıma gəldi və dedi: Mən səni tanıyıram, sən Zviad Koridzesən.

O, Milli Hərəkatı söyməyə başladı, mən buna reaksiya vermədim. O, stula təpik vuraraq söyüş söyməyə başladı. Birdən gördüm ki, insanlar stolu tərk etməyə başladılar, yəqin 10-12 nəfər olmalıydı, heç saymadım, mənim tərəfimdə hərəkət etməyə başladılar.

Qəbul otağına gedib mühafizəçidən kömək istədim, gözətçi qaçdı. Onları məndən uzaqlaşdırmağa çalışdı. Təhdidlər və təhqirlər var idi. Mühafizəçi məni apardı", - deyə Koridze bildirib.

Müxtəlif KİV-lərin yazdığına görə, Zviad Koridze davadan sonra yerli klinikadadır, onun yüngül xəsarətləri var.

QAZİLER.AZ