Çeçenistanda Yeni il ərəfəsində övladlarına region qəhrəmanlarının adını qoyan ailələrə yarım milyon rubl nağd pul veriləcək.

Qaziler.az xəbər verir ki, bu barədə Çeçenistan respublikasının başçısı Ramzan Kadırov teleqram kanalında bildirib. Qeyd edilib ki, dekabrın 31-də Çeçenistanda 180 oğlan uşağı dünyaya gəlib və onların hamısına xüsusi adlar qoyulub.

“İlinin yekunlarına həsr olunmuş iclasda mən aksiyanın vaxtının müəyyənləşdirilməsi ilə bağlı tapşırıqlar verdim. Bu gün doğulan və  adları çeçen qəhrəmanlarının şərəfinə qoyulan körpələrin valideynlərinin hər birinə 500 min rubl (təqribən 8300 azn) veriləcək. Tarix təyin edilib – 31 dekabr 2024-cü il”, - Kadırov yazıb.

QAZİLER.AZ