Adananın Pozantı rayonunda sərnişin avtobusunda baş verən yanğın söndürülüb.

Qaziler.az Türkiyə mətbuatına istinadən bildirir ki, Adana-Pozantı magistral yolunun Akçatekir məhəlləsində, Adanadan Yalovaya gedən Yılmaz Ünerin idarə etdiyi 8 sərnişini olan avtobus mühərrik hissəsindən yanıb.

Avtobus sürücüsü Üner alovu görəndə maşını qəza zolağına çəkib və sərnişinlərin təxliyyəsini təmin edib.

Xəbərdarlıq əsasında əraziyə yanğınsöndürənlər göndərilib və yanğın söndürülüb.

Bir müddət nəqliyyatın hərəkətinə bağlı olan yol yanğın söndürüldükdən sonra açılıb.

Yanan avtobus yararsız hala düşüb.

QAZİLER.AZ