29 yaşlı boksçu Vıborq polis bölməsində ölüb

Vıborq polis bölməsində saxlanılan 29 yaşlı boksçu təcili yardım gələnə qədər dünyasını dəyişib.

Qaziler.az bildirir ki, bu barədə “Fontanka” məlumat yayıb.

Telekanalın məlumatına görə, yol hərəkəti qaydalarını pozan boksçu polisi təhdid edib. Alkotester sürücünün nalayiq hərəkətinin səbəbini müəyyən etmədiyi üçün onu polis bölməsinə aparıblar.

İnzibati saxlama təcridxanasında boksçu skamyasını sındıraraq, xuliqanlıq edib. Qaçmağa çalışıb. Hüquq-mühafizə orqanlarının əməkdaşları vətəndaşın qollarını qandallayıb yerə yıxmalı olublar. Bir müddət sonra sakitləşdi və üzü göyərdi. Məmur qandalları çıxarıb və ürək masajı ilə süni tənəffüs etməyə başlayıb. Lakin idmançını xilas etmək mümkün olmayıb.

Ölümün əsas versiyası sintetik dərman vasitəsi ilə zəhərlənmədir. Polis hadisənin bütün şəraitini araşdırır.

QAZİLER.AZ