Rusiyanın Zaporojyedə endirdiyi zərbələr nəticəsində yaralananların sayı 122 nəfərə çatıb. İşğalçılar yanvarın 8-də KAB-larla şəhərə hücum ediblər.

Qaziler.az bildirir ki, bu barədə RBC-Ukrayna Ukraynanın Zaporojya vilayəti üzrə Dövlət Fövqəladə Hallar Xidmətinə istinadən məlumat yayıb.

"Yanvarın 8-də düşmənin zərbəsi nəticəsində itkilərin sayı artıb. Düşmənin zərbəsi nəticəsində 13 nəfər həlak olub, 1-i uşaq olmaqla 122 nəfər yaralanıb", - məlumatda deyilir.

Bundan əlavə, xilasedicilər tərəfindən 3 minik avtomobilində və bir inzibati binada baş vermiş yanğın söndürülüb.

Ümumilikdə, Fövqəladə Hallar Dövlət Xidmətinin məlumatına görə, üç inzibati bina, çoxmərtəbəli yaşayış binası və biri bələdiyyə olmaqla 36 avtomobilə ziyan dəyib.

QAZİLER.AZ