Rusiya Silahlı Qüvvələrinin (SQ) hərbçiləri Ukraynanın Donetsk vilayətindəki İvanovka və Xarkov vilayətinin Lozovaya və Zaqrızovo qəsəbələrini ələ keçirib.

Qaziler.az bildirir ki, bu barədə dekabrın 27-də rusiya Müdafiə Nazirliyi məlumat yayıb.

“Qərb qoşunları qrupunun bölmələrinin fəal hərəkətləri Xarkov vilayətinin Lozovaya, Zaqrızovo və "Donetsk Xalq Respublikas"ının İvanovka yaşayış məntəqələrini tutub”, - Müdafiə Nazirliyinin bəyanatında deyilir.

Məlumatda dekabrın 21-dən 27-dək olan müddətdə "Qərb" bölmələri öz məsuliyyət zonasında Ukrayna Silahlı Qüvvələrinin dörd mexanikləşdirilmiş, hücum, aviasiya, hava-desant briqadalarının canlı qüvvəsi və texnikasını məğlub edib. Ukrayna hərbçilərinin hücum qruplarının 25 əks-hücumunun dəf edildiyi bildirilib.

QAZİLER.AZ