Rusiyanın Podolsk şəhərindəki məktəblərin birində binanın dam örtüyü uçub.

Qaziler.az bildirir ki, hadisə barədə Rusiya Fövqəladə Hallar Nazirliyinin mətbuat xidməti məlumat yayıb.

Vatutina küçəsindəki 20 nömrəli məktəbdə çökmə axşam saat altıda baş verib. İdman zalında tavanlar qismən uçub, pəncərəli divar da uçub. Günorta saatlarında otaqdakı dayaq tiri sallanmağa başlayanda şagirdlər binadan çıxarılıblar. Təcili yardım xidmətləri hadisə yerindədir. Çərşənbə axşamı, dekabrın 24-dən məktəblərdə erkən tətil elan edilib.

Dağıntının səbəbləri müəyyənləşdirilir. Moskva vilayətinin Təhsil Nazirliyinin izah etdiyi kimi, məktəbdə əsaslı təmir planlaşdırılırdı və səlahiyyətlilərin qərarı ilə fevral ayından idman zalı binalarından istifadə edilmir.

QAZİLER.AZ