Bu ilin yanvar-noyabr aylarında Özbəkistana 7,3 milyondan çox xarici turist gəlib.

Qaziler.az bildirir ki, bu barədə Kazinform-un müxbiri xəbər verir.

Ölkənin Turizm Komitəsinin məlumatına görə, 2023-cü ilin eyni dövrü ilə müqayisədə Özbəkistana turist axını 18,8% artıb.

Ən çox Qırğızıstan və Tacikistan vətəndaşları Özbəkistan Respublikasına səfər ediblər - hər biri 2,1 milyon nəfər. Üçüncü yerdə 1,3 milyon nəfərlə Qazaxıstandır.

Özbəkistana uzaq xaricdən Türkiyə - 108 min, Hindistan - 63,4 min, Cənubi Koreya - 39,1 min turist gəlib.

Xatırladaq ki, Daşkənd bu yaxınlarda Almatıdan “Almatı-Türküstan-Daşkənd-Almatı” marşrutu üzrə ilk turist qatarı "Jibek Jolı" qarşılayıb. Turun müddəti 5 gün, 2024-cü il noyabrın 16-dan 20-dək olub. İlk səfərə cəmi 115 sərnişin çıxıb.

QAZİLER.AZ